Hora ocupada do día

Os fornecedores de servizos de Internet normalmente configuran conexións a Internet para que se compartan entre varios fogares. Aínda que se conecte por separado, a través da súa propia liña telefónica ou conexión por cable, é posíbel que a conexión co resto de Internet na central telefónica se comparta. Se este é o caso e moitos dos seus veciños usan Internet ao mesmo tempo que ti, pode notar unha desaceleración. É máis probábel que experimentes isto en momentos nos que probabelmente os seus veciños estean en Internet (pola noite, por exemplo).

Descargando moitas cousas á vez

Se vostede ou outra persoa usando a súa conexión a internet está descargando varios ficheiros á vez, ou vendo vídeos, a conexión podería non ser rápida dabondo para manter a demanda. Neste caso, será máis lenta.

Conexións non dispoñíbeis

Algunhas conexións a internet non son fiábeis, especialmente as temporais ou aquelas en áreas de alta demanda. Se está nunha cafetaría ou centro de conferencias, a conexión a internet podería estar saturada.

Sinal de conexión sen fíos baixa

Se está conectado a Internet en modo sen fíos (Wi-Fi), comprobe a icona de rede na barra superior para ver se ten bo sinal sen fíos. Se non, Internet pode parecer lento pero non ten un sinal suficientemente forte.

Usar unha conexión móbil a Internet

Se ten unha conexión a Internet móbil e nota que é lenta, é posible que se mudase a unha zona na que a recepción do sinal é deficiente. Cando isto ocorre, a conexión a Internet cambiará automaticamente dunha conexión rápida de «banda ancha móbil» como 3G a unha conexión máis fiable, pero máis lenta, como GPRS.

O navegador web ten un problema

Algunhas veces os navegadores web atopan un problema que fai que se executen de forma lenta. Isto pode pasar por varias razóns — podería estar visitando un sitio web que ten moito tráfico ou por que tivo o navegador aberto durante moito tempo, por exemplo. Tente pechar as xanelas do seu navegador e logo abra un navegador de novo para ver se nota diferenza.