Como funcionan os privilexios administrativos?
Así como os ficheiros que vostede crea, o seu computador tamén ten un número de ficheiros necesarios para que o sistema funcione correctamente. Se ditos ficheiros do sistema importantes cambian de forma non axeitada pode facer que algo se estrague, polo que están protexidos dos cambios por omisión. Certas aplicacións tamén modifican partes importantes do sistema polo que tamén están protexidos.
A forma na que están protexidos é permitindo só aos usuarios con privilexios administrativos cambiar os ficheiros ou usar as aplicacións. No uso diario non necesistará cambiar ningún ficheiro do sistema ou usar estas aplicacións así que de maneira predeterminada non terá privilexios administrativos.
A veces é preciso empregar estas aplicacións, polo que pode obter temporalmente privilexios de administrador para poder realizar os cambios. Se unha aplicación precisa de privilexios de administrador, pediráselle o seu contrasinal. Por exemplo, se desexa instalar un novo software, o instalador de software (xestor de paquetes) pediralle o seu contrasinal de administrador para que poida engadir o nova aplicación ao sistema. Unha vez teña rematado, os seus privilexios de administrarán quitaránselle de novo.
Os privilexios de administrador están asociados coa súa conta de usuario. Os usuarios Administradores teñen estes privilexios namentres que os usuarios Estándar non. Se privilexios de administrador non poderá instalar o software. Algunhas contas de usuario (por exemplo, a conta «root») teñen privilexios de administrador de forma permanente. Non debe usar os privilexios de administrador todo o tempo, porque poden cambiar algo accidentalmente sen a intención de facelo (como eliminar un ficheiro importante do sistema, por exemplo).
En resumo, os privilexios administrativos permítenche cambiar partes importantes do seu sistema cando sexa necesario, pero impiden que o faga accidentalmente.
Que significa «superusuario»?
Un usuario con privilexios de administración tamén é chamado super usuario. Isto é simplemente porque dito usuario ten máis privilexios que os usuarios normais. Pode que atope a persoas discutindo cousas como su e sudo, estes son programas que temporalmente fornecer privilexios de «super usuario» (administrador).
P son os privilexios de administración útiles?
Requirir que os usuarios teñan privilexios de administración antes de facer cambios importantes no seu sistema é útil xa que lle axuda a previr que o seu sistema se estrague de forma intencionada ou non intencionada.
Se ten privilexios de administrador todo o tempo, pode cambiar accidentalmente un ficheiro importante, ou executar unha aplicación que cambia algo importante por erro. Teña privilexios de administrador de maneira temporal, só cando os precisa, para reducir o risco de que se produzan estes erros.
Só algúns usuarios de confianza deberían ter privilexios administrativos. Isto impide que outros usuarios poidan enredar co ordenador e facer cousas como desinstalar aplicacións que precisa, instalar aplicacións que non quere ou cambiar ficheiros importantes. Isto é útil desde o punto de vista da seguridade.